Ragnar Dyer til liðs við InfoCapital

Ragnar Dyer hefur bæst í hóp eigenda og stjórnenda InfoCapital.
Ragnar hefur yfirgripsmikla reynslu af fjármálamörkuðum en hann starfaði þar í 16 ár við markaðsviðskipti, eignastýringu og sem framkvæmdastjóri í 10 ár, seinast sem framkvæmdastjóri fjármálasviðs Kviku banka og stjórnarmaður í TM tryggingum og Kviku Securities London. Fyrir þann tíma starfaði Ragnar hjá Creditinfo Group sem framkvæmdastjóri upplýsingatæknisviðs og sem deildarstjóri vefþróunar hjá Símanum. Ragnar hefur lokið stjórnendanámi frá Stanford University Graduate School of Business, er með BSc gráðu í rekstrarverkfræði frá Háskólanum í Reykjavík og hefur löggildingu í verðbréfaviðskiptum.